ജൈന സംസ്കാരത്തിന്റെ ശേഷിപ്പുകള് അനാഥമാകുന്നു
Friday, March 12, 2010
മാള
ജൈന സംസ്കാരത്തിന്റെ നഷ്ട പ്രതാപത്തിന്റെ സ്മരണകളുമായി തലയുയര്ത്തി നില്ക്കുന്ന പുത്തന്ചിറ പഞ്ചായത്തിലെ കൊമ്പത്തു കടവിലുള്ള ആനപ്പാറയ്ക്ക് അവഗണന തുടര്ക്കഥ.
ദീര്ഘ ഗോളാകൃതിയില് 25അടി ഉയരത്തിലാണു ജൈനരുടെ ആരാധന ബിംബമായിരുന്ന ആനപ്പാറ സ്ഥിതി ചെയ്യുന്നത്. ഇതിനോടു ചേര്ന്നുണ്ടായിരുന്ന ജൈന സന്യാസിമാര് വസിച്ചിരുന്ന ഗുഹ കാലക്രമത്തില് മണ്ണിടിച്ചിലില് മൂടിപ്പോവുകയായിരുന്നു. എഡി ഏഴാം ശതകത്തില് കേരളത്തില് വ്യാപകമായിരുന്ന ജൈനമതത്തിന്റെ പ്രധാന കേന്ദ്രങ്ങളിലൊന്നു മാളയ്ക്കടുത്തുള്ള പുത്തന്ചിറയായിരുന്നു.
പുത്തന്ചിറയിലെ മാണിയംകാവ്, കുതിരത്തടം തുടങ്ങിയ പ്രദേശങ്ങള് ജൈന അധിവാസ കേന്ദ്രങ്ങളായിരുന്നുവെന്നു ചരിത്ര പണ്ഡിതന്മാര് സ്ഥിരീകരിച്ചിട്ടുണ്ട്. ഗുഹകളിലും പാറയിടുക്കുകളിലും വസിച്ചു ആരാധന നടത്തിയിരുന്ന ജൈനര് പുത്തന്ചിറ കേന്ദ്രമാക്കിയാണു മതപ്രചാരണം നടത്തിയിരുന്നത്. 13-ാം നൂറ്റാണ്ടില് ബ്രാഹ്മണാധിപത്യം കേരളത്തില് വന്നതോടെയാണു ജൈനസംസ്കാരം അസ്തമിച്ചതെന്നു കരുതുന്നു.
വില്വമംഗലം സ്വാമിയാരുടെ നേതൃത്വത്തിലാണു ബ്രാഹ്മണര് ജൈനരെ മേഖലയില് നിന്നു നിഷ്കാസനം ചെയ്തതെന്നു കരുതുന്നു. 13-ാം നൂറ്റാണ്ടിലാണു ബ്രാഹ്മണാധിപത്യത്തെത്തുടര്ന്നു ജൈനര് പുത്തന്ചിറ വിട്ടു പലായനം ചെയ്തത്. ഇതോടെ ജൈന സംസ്കാരം അന്യം നില്ക്കുകയായിരുന്നു. കാലക്രമത്തില് സ്വകാര്യ വ്യക്തികളുടെ കൈവശമായ ഭൂമി മുഴുവന് മണ്ണെടുത്തും കരിങ്കല് ഖനനം നടത്തിയും ജൈന സംസ്കാരത്തിന്റെ ശേഷിപ്പുകള് തകര്ക്കുകയായിരുന്നു.
നാട്ടുകാരുടെ അജ്ഞതയാണു മണ്ണെടുപ്പിനും കിരങ്കല് ഖനനത്തിനും കാരണമായതെങ്കില് പുരാവസ്തു വകുപ്പും മാറി മാറി വന്ന സര്ക്കാരുകളും തദ്ദേശസ്വയം ഭരണ സ്ഥാപനങ്ങളും ജൈന സംസ്കാരം കാത്തു സൂക്ഷിക്കുന്നതില് അശേഷം ശ്രദ്ധ കാണിച്ചില്ലെന്നും പരാതിയുണ്ട്.
ജൈന സംസ്കാരത്തിന്റെ നഷ്ട പ്രതാപത്തിന്റെ സ്മരണകളുമായി തലയുയര്ത്തി നില്ക്കുന്ന പുത്തന്ചിറ പഞ്ചായത്തിലെ കൊമ്പത്തു കടവിലുള്ള ആനപ്പാറയ്ക്ക് അവഗണന തുടര്ക്കഥ.
ദീര്ഘ ഗോളാകൃതിയില് 25അടി ഉയരത്തിലാണു ജൈനരുടെ ആരാധന ബിംബമായിരുന്ന ആനപ്പാറ സ്ഥിതി ചെയ്യുന്നത്. ഇതിനോടു ചേര്ന്നുണ്ടായിരുന്ന ജൈന സന്യാസിമാര് വസിച്ചിരുന്ന ഗുഹ കാലക്രമത്തില് മണ്ണിടിച്ചിലില് മൂടിപ്പോവുകയായിരുന്നു. എഡി ഏഴാം ശതകത്തില് കേരളത്തില് വ്യാപകമായിരുന്ന ജൈനമതത്തിന്റെ പ്രധാന കേന്ദ്രങ്ങളിലൊന്നു മാളയ്ക്കടുത്തുള്ള പുത്തന്ചിറയായിരുന്നു.
പുത്തന്ചിറയിലെ മാണിയംകാവ്, കുതിരത്തടം തുടങ്ങിയ പ്രദേശങ്ങള് ജൈന അധിവാസ കേന്ദ്രങ്ങളായിരുന്നുവെന്നു ചരിത്ര പണ്ഡിതന്മാര് സ്ഥിരീകരിച്ചിട്ടുണ്ട്. ഗുഹകളിലും പാറയിടുക്കുകളിലും വസിച്ചു ആരാധന നടത്തിയിരുന്ന ജൈനര് പുത്തന്ചിറ കേന്ദ്രമാക്കിയാണു മതപ്രചാരണം നടത്തിയിരുന്നത്. 13-ാം നൂറ്റാണ്ടില് ബ്രാഹ്മണാധിപത്യം കേരളത്തില് വന്നതോടെയാണു ജൈനസംസ്കാരം അസ്തമിച്ചതെന്നു കരുതുന്നു.
വില്വമംഗലം സ്വാമിയാരുടെ നേതൃത്വത്തിലാണു ബ്രാഹ്മണര് ജൈനരെ മേഖലയില് നിന്നു നിഷ്കാസനം ചെയ്തതെന്നു കരുതുന്നു. 13-ാം നൂറ്റാണ്ടിലാണു ബ്രാഹ്മണാധിപത്യത്തെത്തുടര്ന്നു ജൈനര് പുത്തന്ചിറ വിട്ടു പലായനം ചെയ്തത്. ഇതോടെ ജൈന സംസ്കാരം അന്യം നില്ക്കുകയായിരുന്നു. കാലക്രമത്തില് സ്വകാര്യ വ്യക്തികളുടെ കൈവശമായ ഭൂമി മുഴുവന് മണ്ണെടുത്തും കരിങ്കല് ഖനനം നടത്തിയും ജൈന സംസ്കാരത്തിന്റെ ശേഷിപ്പുകള് തകര്ക്കുകയായിരുന്നു.
നാട്ടുകാരുടെ അജ്ഞതയാണു മണ്ണെടുപ്പിനും കിരങ്കല് ഖനനത്തിനും കാരണമായതെങ്കില് പുരാവസ്തു വകുപ്പും മാറി മാറി വന്ന സര്ക്കാരുകളും തദ്ദേശസ്വയം ഭരണ സ്ഥാപനങ്ങളും ജൈന സംസ്കാരം കാത്തു സൂക്ഷിക്കുന്നതില് അശേഷം ശ്രദ്ധ കാണിച്ചില്ലെന്നും പരാതിയുണ്ട്.
0 comments:
Post a Comment